Penélope, poema de Xosé María Díaz Castro

Un paso adiante i outro atrás, Galiza,
i a tea dos teus sonos non se move.
A espranza nos teus ollos se esperguiza.
Aran os bois e chove.

Un bruar de navíos moi lonxanos
che estrolla o sono mol coma unha uva.
Pro tí envólveste en sabas de mil anos,
i en sonos volves a escoitar a chuva.

Traguerán os camiños algún día
a xente que levaron. Deus é o mesmo.
Suco vai, suco vén, Xesús María!
e toda a cousa ha de pagar seu desmo.

Desorballando os prados coma sono,
o Tempo vai de Parga a Pastoriza.
Vaise enterrando, suco a suco, o Outono.
Un paso adiante i outro atrás, Galiza!

 

* Xosé María Díaz Castro, poeta galego nascido em 1914, manteve-se ocupado de investigar o destino humano por uma perspectiva existencialista em comunhão com a natureza. Autor de uma única obra, o poemário Nimbos (1961) que influenciou poetas de língua galega posteriormente. Faleceu em 1990.